"Mən Müsavat partiyasının uzun müddət üzvü olmuşam. Hazırda Müsavatın bugünkü acınacaqlı durumuna çox təəssüf edirəm. Bunu artıq tək mən yox, ekspertlər də sübut edir ki, Müsavatın siyasi arenaya çıxması qeyri-mümkündür". Bunu SİA-ya Azərbaycan Demokratiya və Rifah hərəkatının (ADR) İdarə heyətinin üzvü Səxavət Əlisoy deyib.
Onun sözlərinə görə, bu gün aparılan o kurs onu deməyə əsas verir ki, Müsavatın özünə gəlməsi üçün uzun müddət ağrılı proses keçəcək: "Arif Hacılı və dəstəsi yalnız o Müsavat partiyasından kənarlaşdırıldıqdan sonra bu partiya Ana müxalifət və yaxud hansısa müxalifətə iddia edə bilər. Müsavatda səslənən fikirlər yalnız boş-boş şüarlardan ibarətdir. Təbii ki, bunu da cəmiyyət görür. Artıq Azərbaycan Xalq Cəbhəsi Partiyasında (AXCP) da parçalanma baş verib və müəyyən qüvvələr oradan çəkiliblər. O partiyanın hansı şəkildə nəyə iddia etməsini sözlə ifadə etmək mümkün deyil. Bütün siyasi partiyaların fəaliyyətləri əsasən intellektual fəaliyyətlər üzərində qurulur".
Bütün xəbərlər Facebook səhifəmizdə
USD
EUR
GBP
RUB