"Dini məscidlərdə siyasi müzakirələrin aparılması yolverilməzdir". SİA-nın məlumatına görə, bu sözləri parlamentin bu gün keçirilən plenar iclasında Milli Məclis sədrinin birinci müavini Ziyafət Əsgərov deyib. O, məscidlərin siyasi diskusiya yeri olmadığını qeyd edib. Vitse-spiker dinin siyasətlə qarışdırılmamalı olduğunu bildirib: "Hər birimizin dindən az-çox məlumatımız var. Dindarın siyasətlə nə işi var? Dindar məscidə gedib namaz qılmalıdır, siyasi diskusiyalar, dövlət əleyhinə kampaniyalar aparmalı deyil".
O, Nardaran hadisələri haqda da fikirlərini bildirib: "Nardaranda hara baxırdın, qara bayraqlar asılmışdı. Dində bu cür bayraq anlayışı varmı? Burada Quran oxuyan insanlar əyləşib. Onlara müraciət edirəm, Quranda belə hallar varmı? Azərbaycanda yalnız bir bayraq dalğalana bilər, o da üç rəngli Azərbaycan bayrağıdır. Bura müstəqil Azərbaycan dövlətidir və onun öz bayrağı var. Bu dövlət bizə Ulu Öndər Heydər Əliyevdən əmanətdir. Dövlətə xəyanət edənlər cəzalandırılmalıdır".
Bütün xəbərlər Facebook səhifəmizdə
USD
EUR
GBP
RUB