Ağaşirin Tanrıverdioğlu Maarif Mehdiyevin 26 il Cəbhə sıralarında aktiv fəaliyyət göstərməsinə rəğmən, ağır xəstəliyə düçar olmasından sonra AXCP rəhbərliyinin ona biganə yanaşmasını yaxşılığa qarşı yamanlıq kimi qiymətləndirib: "Amma aktiv fəaliyyətinə baxmayaraq, ağır günündə heç bir AXCP rəhbərliyindən olan şəxs və funksionerlər onun qapısını döyməyib. Bu insanın gözü yolda qalsa da nə Əli Kərimli nə də ki, ətrafındakı adamlar quru ayaqla belə ona baş çəkməyiblər. Biz hamımız etdiyimiz yaxşılıq qarşısında heç bir hörmət görmədik. Hər yaxşılığımızın qarşılığında Əli Kərimlidən pislikdən, etimadsızlıqdan başqa heç nə görmədik. Meydanlarda sinəmizi qabağa verib danışanda belə, AXCP rəhbərliyindən müsbət fikir eşitmədik. Təbii ki, oradan istefa verən hər bir insanın atdığı addımı təqdirəlayiq hesab edirəm".
Eyni zamanda AXCP funksioneri Sahib Kərimliyə qarşı məhkəmə çəkişməsinə də münasibət bildirən Ağaşirin Tanrıverdioğlu qeyd edib ki, artıq məhkəmə iddiası qaldırılıb. Mənə qarşı edilən təzyiqlərə, küçənin ortasında döyüldüyümə görə başda Əli Kərimli olmaqla onun yanında olan hər bir müavin və funksioner məhkəmədə cavab verəcək. İstintaq gedir. Bu baxımdan, onun sonucu, nəticəsi nə olursa olsun mən onların heç birinə güzəştə getməyəcəm".
Qeyd edək ki, Maarif Mehdiyev mətbuata açıqlamasında bildirib ki, o, 1988-dən bu günə qədər proseslərdə fəal iştirak edib, lakin onun fəaliyyətinə təmsil olunduğu siyasi təşkilat sıralarında qiymət verən olmayıb: "Hər kəs əziyyətimi yaxşı bilir. Şöbənin sədri Hacı Abbaslı da səhhətimə laqeyd qaldı. Əli Kərimliyə müraciət etməmişəm, etmək fikrim də yoxdur. Bilirəm ki, kömək gəlməyəcək. Buna əminəm. Yalnız qədirbilən millətimə müraciət edə bilərəm. Əsl düzgün yolu millətimə müraciətdə görürəm. Müalicəm üçün kömək etmək partiya üçün adi bir şeydir. Çünki "Azadlıq" qəzetinə kömək lazım olanda bir müraciətlə on minlərlə pul yığırlar. Neçə ildir bu vəziyyətdəyəm. Artıq ümidlərim ölüb. Sözümün yerə düşəcəyindən daim çəkinmişəm. İndi partiyaya müraciət etsəm, bilirəm ki, vecinə alan olmayacaq. Heç kəs belə çətin duruma düşməkdən sığortalanmayıb. Abrımı gözləyən adam olmuşam. Kömək istəyəcəm, deyəcəklər ki, imkan yoxdur. Həmişə olduğu kimi, yenə də məhbusları bəhanə gətirəcəklər. Ola bilsin ki, xəstə olduğumdan mənə faydasız insan gözündə baxırlar. İndiyə qədər partiya üçün çox yardımlarım olub. Son 7 ildə edə bilməmişəm. 1988-1990-cı illərdə nə qədər təhlükələr keçmişəm.
AXCP Məclisinin üzvü artıq partiyadan imtina etdiyini açıqlayıb: "26 ildir üzvü olduğum partiyadan imtina edirəm".
İntizarə Məmmədova
Bütün xəbərlər Facebook səhifəmizdə
USD
EUR
GBP
RUB