12 dekabr tarixində Azərbaycan xalqının Ulu Öndəri Heydər Əliyevi anım günündə Qafqaz Müsəlmanları İdarəsinin tabeliyində olan məscidlərin hamısında Ümummilli Liderin xatirəsi yad edilib. Qafqaz Müsəlmanları İdarəsindən (QMİ) SİA-ya verilən xəbərə görə, mərhumun ruhuna Allahdan rəhmət dilənib, dualar edilib.
Cümə namazı zamanı moizələrdə Heydər Əliyev şəxsiyyətinin Azərbaycan xalqının xilaskarı olaraq misilsiz fəaliyyəti, habelə milli-mənəvi və dini dəyərlərinə ehtiram və qayğısı xüsusi vurğulanıb. Dindarlar bünövrəsi Ulu Öndər Heydər Əliyev tərəfindən qoyulub və dövlət başçımız İlham Əliyev tərəfindən inkişaf etdirilən milli-mənəvi, dini dəyərlərə, multikulturalizm ideyalarına ehtiram və qayğının davamlı olması üçün dualar ediblər.
Ulu Öndərin əziz xatirəsinə bütün məscidlərdə ehsan mərasimləri keçirilib. Eyni zamanda, QMİ-nin Gürcüstan, Türkiyə, Rusiya və İrandakı nümayəndəliklərində də Ulu Öndərin anma mərasimləri keçirilib.
Bütün xəbərlər Facebook səhifəmizdə
USD
EUR
GBP
RUB