"Əli Kərimli elə rəy yaratmağa çalışır ki, guya müxalifətin bugünkü vəziyyətə düşməsində onun heç bir günahı yoxdur. O özünün anti-demokratik əməlləri ilə Azərbyacanda vətəndaş cəmiyyətinin formalaşmasına böyük zərbə vurub". Bu sözləri SİA-ya açıqlamasında Azərbaycan Sosial-Demokrat Partiyasının sədri Araz Əlizadə bildirib.
Onun sözlərinə görə, Əli Kərimli siyasi iradəyə malik olan bir şəxs deyil ki, hər hansısa bir partiyanın işlərinə qarışıb orada iğtişaşlar törədə bilsin: "Ümumiyyətlə, bu cür qarşıdurmaları yaradan şəxslər siyasi iradəyə sahib olmayan insanların əməlləridir. Artıq bir neçə vaxtdır ki, Müsavatda əməlli-başlı qalmaqallar yaranıb. Müsavat Partiyasının mövcudluğu şübhə altındadır, artıq o partiyanın siyasi partiya kimi fəaliyyət göstərməsi də düzgün deyil. Sirr deyil ki, bu Müsavatın daxilində olan qruplaşmalar birmənalı şəkildə bir-birlərini qəbul etmirlər və həmin qarşıdurmalar zaman-zaman fərqli müstəvilərdə açıq şəkildə özünü büruzə verib. Belə bir vəziyyətdə bəziləri vəziyyəti dəyərləndirmək, təhlil etmək əvəzinə, digərlərini ittiham etməyə üstünlük verirlər".
Eltun
Bütün xəbərlər Facebook səhifəmizdə
USD
EUR
GBP
RUB