Bu gün Mərkəzi Seçki Komissiyasının (MSK) növbəti iclası keçirilib. SİA-nın məlumatına görə, iclasda Cəmil Poladxan oğlu Həsənlinin Azərbaycan Respublikası Prezidentliyinə "Demokratik Qüvvələrin Milli Şurası" seçicilərin təşəbbüs qrupu tərəfindən irəli sürülmüş namizədliyi təsdiqlənib. SİA-nın xəbərinə görə bu barədə qərar MSK-nın bu gün keçirilən iclasında qəbul olunub.
MSK-nın katibi Arifə Muxtarova bildirib ki, namizədliyinin təsdiq olunması ilə bağlı Cəmil Həsənlinin MSK-ya daxil olan sənədləri araşdırılıb və hüquqi əsasların olduğu qənaətinə gəlinib.
Həmçinin iclasda Cəmil Həsənlinin səlahiyyətli nümayəndəsinin qeydiyyatı məsələsinə baxılıb və müvafiq qərar qəbul edilib.
İclasda həmçinin 27 avqust 2013-cü il tarixli iclasın protokolu da təsdiq edilib.
Qeyd edək ki, bununla da prezidentliyə namizədlikləri təsdiq olunanların sayı 18-ə çatıb.
Xatırladaq ki, prezident seçkiləri oktyabrın 9-da keçiriləcək.
Bütün xəbərlər Facebook səhifəmizdə
USD
EUR
GBP
RUB