ATƏT-in Minsk qrupunun özü elə Dağlıq Qarabağ probleminin yaradıcısıdır". SİA-nın məlumatına görə, bunu Parlamentin bugünkü iclasında çıxışı zamanı millət vəkili Zahid Oruc bildirib.
Onun sözlərinə görə, 1992-ci ildə yaradılan bu qurum 8 üzvün müşahidəçiliyi vəziyyətində, 3 qurumun, 3 dövlətin dominantlığı ilə fəaliyyət aparmaqdadır: "Ötən dövr ərzində həm dövlət rəhbərliyi səviyyəsində, həm də parlament müstəvisində bu qrupun ünvanına fəaliyyət sarıdan çox ciddi tənqidlər, ittihamlar olub. Bəllidir ki, Azərbaycan o dövrdə çalışırdı ki, bu məsələ beynəlxalq müstəviyə çıxsın ki, bunun beynəlmiləşdirilməsi fonunda problemin həlli reallaşsın. Lakin bəlli oldu ki, ATƏT-in Minsk qrupunun özü elə Dağlıq Qarabağ probleminin yaradıcısıdır. Faktiki olaraq onların arasında olan güc nisbəti vəziyyətindən Qarabağ problemi asılı bir duruma düşüb".
Millət vəkili ATƏT-in Minsk qrupunun fəaliyyətini tənzimləyən bir hüquqi müstəvinin olmasının vacibliyini diqqətə çatdırıb: "Günün birində biz özümüz siyasəti müəyyənləşdirmək istəsək, hansısa dövlətlərin senatlarından qərarlar gözləmədən özümüz addım atmaq istəsək, bu yöndə bunun hüquqi müstəvisi necə olacaq? Ona görə də ATƏT-in Minsk qrupunun fəaliyyətini tənzimləyən bir hüquqi müstəvi olmalıdır. Belə bir qanun aktı yoxdur. Mən çox arzulayıram ki, biz bu prosesi hüquqi müstəviyə salaq".
Zahid Oruc Xocalı Soyqırımının 20-ci ildönümü ilə bağlı fikirlərini bu şəkildə ifadə edib: "Ermənilər saxta soyqırımından bir dövlət quruculuğu aləti düzəldiblər. Lakin biz real soyqırımı tanıtmalı və onun Qarabağ prosesinin həlli üçün bir siyasəti aparmaq naminə buna hazırlaşmalıyıq".
Bütün xəbərlər Facebook səhifəmizdə
USD
EUR
GBP
RUB