Bu gün Milli Məclisin
növbəti iclası keçirilib. SİA-nın xəbərinə görə, əvvəlcə Milli Məclisin sədri
Oqtay Əsədov deputatlar adından Prezident İlham Əliyevi yubileyi münasibətilə
təbrik edib. Daha sonra Milli Məclis sədrinin müavini Ziyafət Əsgərov Prezident
İlham Əliyevə ünvanlanan təbrik məktubunu oxuyub.
İclasda əsas müzakirə mövzusu Fransa Parlamentində uydurma \"erməni soyqırımı\"nın inkar edilməsinin cinayət hesab edilməsi ilə bağlı qanun layihəsini qəbul etməsi olub.
Millət vəkilləri Fransa parlamentinin bu qərarının beynəlxalq hüquqa zidd olduğunu vurğulayıb, bunun dövlətlərarası münasibətlərə ciddi ziyan vuracağını bildiriblər.
Milli Məclisin sədri Oqtay Əsədov isə "Yəqin Fransa büdcəsinin 45 min avroya ehtiyacı var" – deyərək, Fransa Milli Assambleyasının məlum qərarına istehza edib. İclasda çıxış edən millət vəkili Siyavuş Novruzov bu qərarı pisləyib. O deyib ki, əsrin sonlarında Xocalıda yaşanmış soyqırımına münasibət açıqlamayan Fransa Milli Assambleyasının əsrin əvvəllərində nə olub-olmadığı bilinməyən hadisələrə "soyqırımı" deməsi və bunu inkar edənlərə cəza tətbiqi ilə bağlı qərar qəbul etməsi qeyri-obyektivdir. Fransa Milli Assambleyasının müvafiq qərarını millət vəkilləri Mübariz Qurbanlı və İqbal Ağazadə də pisləyib və Azərbaycanın bu məsələdə Türkiyənin yanında olduğunu vurğulayıblar.
Milli Məclisin Sosial siyasət komitəsinin sədri Hadı Rəcəbli xəstəliklə bağlı millət vəkillərini məlumatlandırıb və bildirib ki, hazırda Azərbaycanda 10 min insan bu xəstəlikdən əziyyət çəkir: "Dağınıq skleroz müalicəsi bahalı dərmanlar tələb edən, dünyada geniş yayılmış və insana çox əzab verən xəstəlikdir.
İclasda \"Hərbi vəzifə və hərbi xidmət haqqında\" yeni qanun da birinci oxunuşda qəbul olunub.
Bütün xəbərlər Facebook səhifəmizdə
USD
EUR
GBP
RUB
