İraqda səfərdə olan Azərbaycan-İraq Parlamentlərarası Dostluq Qrupunun üzvü, millət vəkili Qənirə Paşayeva İraq Parlamentinin baş katibi, Türkmən kökənli millət vəkili Məhəmməd Əl Xalidi ilə görüşüb. SİA-nın xəbərinə görə, görüş zamanı İraqdakı vəziyyət, türkmənlərin vəziyyəti, Azərbaycanla İraq arasında bütün istiqamətlərdə münasibətlərin inkişafı istiqamətində mövcud olan potensial barədə fikir mübadiləsi aparılıb. Azərbaycanı sevdiyini deyən Məhəmməd Əl Xalidi parlamentlərarası münasibətlərin inkişafının vacibliyini vurğulayıb. Millət vəkili Qənirə Paşayeva da Azərbaycanın İraqla əməkdaşlığın inkişafına önəm verdiyini, parlamentlərarası münasibətlərin inkişafında maraqlı olduğunu vurğulayaraq dekabrın ortalarında İraq-Azərbaycan Parlamentlərarası dostluq qrupu üzvlərinin Bakıya səfərinin də bu istiqamətdə münasibətlərə öz müsbət töhfəsini verəcəyini qeyd edib.
"İraq Parlamenti qarşısında törədilən partlayış nəticəsində 1 nəfərin həlak olması, 6 nəfərin yaralanmasına sizin kimi biz də üzüldük", - deyən millət vəkili Azərbaycanın dost İraq dövlətinin və xalqının sabitliyi, təhlükəsizliyi və inkişafında maraqlı olduğunu deyib. İraq Türkmən Cəbhəsinin Sözçüsü, Yürütmə Qurumunun və Kərkük İl Məclis üzvü Əli Mehdiyə qarşı sui-qəsd, onun evinin önündə yerləşdirilən bombaların partladılması nəticəsində 1 nəfərin həlak olması, 15 nəfərin yaralanmasından azərbaycanlıların da üzüldüyünü deyən millət vəkili Qənirə Paşayeva Əli Mehdinin bu sui-qəsddən salamat qurtula bilməsindən sevindiklərini bildirib. O, Azərbaycan xalqının İraqda yaşayan bacı-qardaşlarımızı hər zaman düşündüyünü deyib.
Bütün xəbərlər Facebook səhifəmizdə
.jpg)
.jpg)
USD
EUR
GBP
RUB