Azərbaycan Silahlı Qüvvələrinin zabitləri bir sıra ölkələrlə və NATO ilə ikitərəfli əməkdaşlıq planları çərçivəsində keçirilən tədbirlərə qatılacaqlar.
Azərbaycan Müdafiə Nazirliyinin mətbuat xidmətindən SİA-ya verilən məlumata görə, oktyabrın 2-dən 5-dək İstanbulda Harvard məzunları tərəfindən Qara Dəniz təhlükəsizlik məsələlərinin müzakirəsi, oktyabrın 3-dən 7-dək Almaniyanın Oberamerqau şəhərində NATO Sülhün dəstəklənməsi əməliyyatları üzrə kurs, NATO təlimlərinin planlaşdırılması kursu, oktyabrın 3-dən 14-dək Yunanıstanın Souda şəhərində dəniz təhdidlərinin qarşısının alınması əməliyyatları kursu, oktyabrın 4-dən 12-dək Polşanın Varşava şəhərində NATO-da standartlaşdırma kursu, Azərbaycan-ABŞ iş planına əsasən oktyabrın 5-dən 2012-ci il iyunun 28-dək San-Antonio şəhərində Beynəlxalq hüquq kursu təşkil olunacaq. Əməkdaşlıq çərçivəsində Azərbaycan hərbçiləri ABŞ-ın mühüm enerji-infrastruktur sahələri, texnologiya və imkanları ilə tanış olmaq üçün oktyabrın 10-dan 24-dək Vaşinqton şəhərində səfərdə olacaqlar.
Azərbaycan-Almaniya İkitərəfli əməkdaşlıq proqramına əsasən oktyabrın 5-dən 2012-ci il martın 31-dək Hürt şəhərində Motoatıcı bölük komandiri kursu, Mühəndis-istehkam bölük komandiri kursu, Həkimləri təkmilləşdirmə kursu, Azərbaycan-Litva İkitərəfli əməkdaşlıq planına əsasən oktyabrın 11-dən 20-dək Kaunas şəhərində Tibb zabitləri üçün təməl kursu keçiriləcək.
Azərbaycan hərbçiləri, həmçinin oktyabrın 5-dən 7-dək Belçikanın Mons şəhərində "NATO Maliyyə büdcəsinin idarə olunması" kursunda, oktyabrın 10-dan 14-dək Türkiyənin Ankara şəhərində "Terrorizm və Kütləvi İnformasiya Vasitələri kursu"nda, oktyabrın 10-dan 21-dək Macarıstanın Budapeşt şəhərində Müəllimlər üçün təkmilləşdirilmiş hərbi terminologiya kursunda, oktyabrın 12-dən noyabrın 9-dək Hollandiyanın Delft şəhərində Beynəlxalq qərargah zabitlərinin tanışlıq kursunda (İSOOC-2011) iştirak edəcəklər.
Azərbaycan-NATO əməkdaşlığı çərçivəsində NATO-nun Brunssum Birləşmiş Qüvvələr Komandanlığının mobil təlim qrupu tərəfindən oktyabrın 3-dən 7-dək Bakıda Azərbaycan hərbçiləri üçün "maddi-texniki təminat" mövzusunda təlim kursu reallaşacaq.
Bütün xəbərlər Facebook səhifəmizdə
USD
EUR
GBP
RUB