Rusiya Prezidenti Vladimir Putin BRICS-in çoxqütblü dünya nizamının yaradılmasında mühüm rol oynadığını bildirərək dedi: "BRICS beynəlxalq münasibətlərdə çoxqütblülüyün gücləndirilməsi prosesində mühüm qüvvəyə çevrilib". Kremldən verilən açıqlamaya görə, Putin Hindistanın paytaxtı Yeni Dehlidə keçirilən Genişləndirilmiş BRICS+ Liderlər Zirvəsində iştirak edib.
Burada çıxış edən Putin beynəlxalq ictimaiyyətin BRICS-in fəaliyyətinə marağını qeyd edərək aşağıdakı qiymətləndirmələri edib:
"BRICS beynəlxalq münasibətlərdə çoxqütblülüyün gücləndirilməsində əhəmiyyətli bir qüvvəyə çevrilib. Birliyimiz ədalətli çoxqütblü dünya nizamının qurulmasında rol oynayır. BRICS ölkələri arasında ticarət həcmi 1,2 trilyon dollara çatıb. Üzv ölkələr qlobal ixracatın təxminən dörddə birini təşkil edir. Dünyanın Ümumi Daxili Məhsulunun (ÜDM) 40%-i BRICS ölkələrinə məxsusdur."
Putin bildirib ki, Rusiya BRICS daxilində ödəniş infrastrukturu, ortaq sığorta mexanizmi və taxıl birjası yaratmaq üçün səylər göstərib.
BRICS daxilində İnkişaf Bankının gücləndirilməsinin vacibliyini vurğulayan Putin, bu günə qədər bank vasitəsilə təxminən 40 milyard dollar dəyərində 123 layihənin maliyyələşdirildiyi barədə məlumatı paylaşıb.
VƏLİ
Bütün xəbərlər Facebook səhifəmizdə
USD
EUR
GBP
RUB
