2026-cı il 20 yanvar tarixində Azərbaycan Respublikasının Prezidenti cənab İlham Əliyev Dünya İqtisadi Forumu çərçivəsində Davos şəhərində “Euronews” televiziyasına ictimaiyyət üçün mühüm və ciddi mesajlar daşıyan eksklüziv müsahibə verdi. Bu müsahibə yalnız Azərbaycanın cari xarici siyasətinin əsas istiqamətlərini deyil, həm də qlobal geosiyasi və regional proseslərin yeni mərhələdə necə formalaşdığını nümayiş etdirdi.
Cənab Prezident müsahibəsində bildirdi ki, çox təəssüf ki, bu gün beynəlxalq münasibətlər sistemi “qanunun aliliyi” prinsipi ilə deyil, daha çox “güc qaydası” ilə idarə olunan yeni bir dövrə qədəm qoyur. O, vurğuladı ki, dünyada baş verən dəyişikliklər göstərir ki, ölkələr öz potensiallarına əsaslanan strategiyalar müəyyən etməli və daha geniş miqyasda münasibətlər qurmalıdırlar. Bu kontekstdə Azərbaycan artıq öz regional və qlobal rolunu möhkəmləndirib və müxtəlif sahələrdə strateji tərəfdaşlıqlar inkişaf etdirir.
Prezident beynəlxalq sistemdəki bu dinamikliyi qeyd edərək dedi: “Hər ölkə öz strategiya və siyasətini özünün potensialına uyğunlaşdırmalıdır və mümkün qədər çox ölkələrlə — ilk növbədə bölgədə, sonra isə qlobal müstəvidə — yaxşı münasibətlər qurmalıdır.” Müsahibə zamanı cənab İlham Əliyev Azərbaycanın bu prinsiplər əsasında uğurla fəaliyyət göstərdiyini vurğuladı və ölkənin regionda sabitlik, əməkdaşlıq və iqtisadi inteqrasiya təşəbbüslərini prioritet hesab etdiyini bildirdi.
Möhtərəm Prezident müsahibədə xüsusi olaraq Cənubi Qafqazdakı proseslərə də toxundu. O, qeyd etdi ki, Azərbaycan ilə Ermənistan arasında münasibətlər artan əməkdaşlıq xarakteri alır və bu, regionda uzunmüddətli sülh və təhlükəsizliyə yol açan mühüm addımdır. Prezidentin sözlərinə görə, bu münasibətlərin inkişafı iqtisadi, nəqliyyat və enerji sahələrində qarşılıqlı faydalı əməkdaşlıq üçün geniş imkanlar yaradır.
Regionda sabitliyin önəmi mövzusuna da toxunan cənab İlham Əliyev İranda baş verən qeyri-sabitliklə bağlı narahatlığını da ifadə edərək bildirdi ki, Azərbaycan üçün sabitlik və sülh ən böyük sərvətlərdən biridir. Dövlət başçısı vurğuladı ki, Azərbaycan bu təcrübəni post-münaqişə dövründə inkişaf etdirərək öz xalqının rifahını yüksəltmək üçün bütün resurslarını səfərbər edib.
Cənab Prezident müsahibənin bir başqa vacib hissəsini Avropa institutları ilə münasibətlərə həsr etdi. O, qeyd etdi ki, Azərbaycan artıq bir müddət əvvəl Avropa Parlamentinin tənqidi münasibətlərinə reaksiya verməyi dayandırıb. Bununla yanaşı, Azərbaycan Avropa Komissiyası ilə əməkdaşlığını davam etdirir, çünki bu əlaqələr Azərbaycanın xarici siyasətində müsbət və praktik nəticələr verir.
Davos forumunda cənab İlham Əliyev bu çıxışı ilə beynəlxalq ictimaiyyətə mesaj verdi ki, Azərbaycan yalnız regional, həm də qlobal səviyyədə güclü, müstəqil və proqnozlaşdırıla bilən aktor kimi çıxış edir, qlobal enerji təhlükəsizliyi, iqtisadi inteqrasiya və sabitlik məsələlərində fəal rol oynayır.
Nazim Bünyatov
YAP Ağcabədi rayon təşkilatının sədr müavini
Bütün xəbərlər Facebook səhifəmizdə
.jpg "Bütün dünya ÇALXALANIR! - NƏ BAŞ VERİR?")
.jpg "Restoranlarda NƏ BAŞ VERİR?")
USD
EUR
GBP
RUB
