"Azərbaycan Respublikasının Prezidenti İlham Əliyev ilə Çex Respublikasının Baş naziri Andrey Babiş arasında Davosda keçirilmiş görüş iki ölkə arasında strateji əməkdaşlığın inkişafı baxımından son dərəcə önəmli hadisədir. Görüş zamanı siyasi, iqtisadi, enerji, maşınqayırma və nəqliyyat sahələrində əməkdaşlığın genişləndirilməsi, qarşılıqlı səfərlərin əhəmiyyəti və praktiki əməkdaşlıq imkanları müzakirə olunub". Bu sözləri SİA-ya açıqlamasında politoloq Polad Mehdiyev deyib.
Onun sözlərinə görə, bu görüş tərəflər arasında qarşılıqlı etimadın artırılması və uzunmüddətli strateji əlaqələrin möhkəmləndirilməsi üçün vacib bir addımdır: "Yüksək səviyyəli görüşlər yalnız diplomatik protokolun tələblərini yerinə yetirmir, həm də ölkələrarası münasibətlərin daha sistemli və məqsədyönlü inkişafına şərait yaradır. Qarşılıqlı rəsmi səfərlərin təşkili iki ölkə arasında iqtisadi və siyasi əməkdaşlığın müxtəlif sahələrdə dərinləşməsinə və davamlılığa xidmət edir. Eyni zamanda, bu görüşlər regional əməkdaşlıq və sabitlik üçün də önəmli rol oynayır, çünki tərəflər qarşılıqlı maraqlara uyğun qərarlar qəbul edərək, regionda iqtisadi inteqrasiyanın və diplomatik dialoqun gücləndirilməsinə töhfə verirlər. Məmnunluqla qəbul olunmuş qarşılıqlı dəvətlər isə diplomatik etikaya və əməkdaşlıq ruhuna tam uyğundur və liderlər arasında strateji dialoqun davamlılığını göstərir. Bu, həm də ölkələrin yalnız ikitərəfli münasibətləri deyil, həmçinin beynəlxalq və regional məsələlərdə birgə əməkdaşlığı müzakirə etməsi üçün geniş imkanlar yaradır. Prezident İlham Əliyev və Baş nazir Andrey Babiş arasında baş tutmuş Davos görüşü Azərbaycan-Çexiya münasibətlərində yeni mərhələnin başlanğıcı olmaqla yanaşı, regionda strateji əməkdaşlığın və iqtisadi inteqrasiyanın möhkəmlənməsinə əhəmiyyətli töhfə verəcək diplomatik hadisədir. Bu görüşün nəticələri, həmçinin gələcək iqtisadi, enerji və nəqliyyat layihələrinin uğurla həyata keçirilməsinə stimul verəcək, ölkələr arasında uzunmüddətli tərəfdaşlıq perspektivlərini möhkəmləndirəcək".
Bütün xəbərlər Facebook səhifəmizdə
.jpg "Bütün dünya ÇALXALANIR! - NƏ BAŞ VERİR?")
.jpg "Restoranlarda NƏ BAŞ VERİR?")
.jpg)
USD
EUR
GBP
RUB
