...Dağlıq Qarabağ Respublikasının keçmiş “dövlət naziri” Artak Beqlaryanın sözlərinə görə, rayon tamamilə boşdur, orada bir neçə yüz adam qalıb, onlar da getməyi planlaşdırır. Eyni zamanda, Beqlaryan insanlara beynəlxalq təhlükəsizlik zəmanəti veriləcəyi təqdirdə öz evlərinə qayıda biləcəyinə aydınlıq gətirib.
SİA-nın əldə etdiyi məlumata görə, BMT-nin Qaçqınlar üzrə Ali Komissarlığının Ermənistandakı nümayəndəsi Kavita Belani bildirib ki, bu günə kimi təşkilat qaçqınlara qarşı zorakılıq faktı qeydə almayıb. Təşkilat əhalinin kütləvi köçünün ciddi humanitar problem olduğunu etiraf edir, lakin Azərbaycan tərəfi köçkünlərə qarşı aqressiya nümayiş etdirmir.
Xatırladaq ki, Ermənistanın baş naziri Nikol Paşinyan bundan əvvəl Qarabağ ermənilərinin məcburi kütləvi köçünü “etnik təmizləmə” və “deportasiya” adlandırmışdı. Azərbaycan Xarici İşlər Nazirliyi cavab olaraq bildirib ki, əvvəldən region sakinlərini öz evlərində qalmağa və Azərbaycan cəmiyyətinə reinteqrasiya prosesinə başlamağa çağırıb.
Xatırladaq ki, Azərbaycanın Baş Prokurorluğu sentyabrın 30-da keçmiş xarici işlər naziri və Dağlıq Qarabağın başçısının müşaviri David Babayanın bir gün əvvəl saxlanılması və ardınca həbsi barədə məlumat yayıb. O, bir neçə ittihamla, o cümlədən milli ədavətin qızışdırılması və işğalçı müharibə aparmaqda ittiham olunur. Azərbaycan istintaqına görə, Babayan 2020-ci ilin payızında gedən müharibə zamanı “Azərbaycanın Gəncə şəhərinin mühafizə olunmayan mülki ərazilərinə və silahsızlaşdırılmış ərazilərinə” ballistik raketlərin tətbiqində iştirak edib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB