İslandiya-Azərbaycan Cəmiyyəti ölkəmizin İrandakı səfirliyinə edilmiş silahlı hücumla bağlı bəyanat yayıb.
SİA-nın AZƏRTAC-dan əldə etdiyi məlumata görə, Diasporla İş üzrə Dövlət Komitəsindən bildiriblər ki, bəyanatda Azərbaycan səfirliyinin təhlükəsizlik xidmətinin rəisi Orxan Əsgərovun həlak olması, iki əməkdaşının yaralanması ilə nəticələnən terror aktı qətiyyətlə pislənib. Diplomatik nümayəndəliklərə qarşı terror hücumunun qəbuledilməz olduğu xüsusi vurğulanıb.
Soydaşlarımız İslandiya ictimaiyyətini və beynəlxalq birliyi bu terror hadisəsini qınamağa çağırıblar. Bəyanatda, terror aktının tezliklə hərtərəfli araşdırılması və cinayətkarların layiqli cəzalarını alması tələb olunub.
Bütün xəbərlər Facebook səhifəmizdə
USD
EUR
GBP
RUB