…İlon Mask ardıcıl dördüncü dəfə Forbes-in ABŞ-ın ən varlı adamları siyahısına başçılıq edir. Sahibkarın sərvəti rekord həddə - 428 milyard dollara çatıb.
SİA-nın məlumatına görə, Tesla və SpaceX-in qurucusu İlon Mask tarixdə ilk dəfə 400 milyard dollar həddini keçərək yeni rekorda imza atıb.
Nüfuzlu Forbes 400 reytinqinin yeni məlumatlarına görə, amerikalı sahibkar ardıcıl dördüncü dəfə ABŞ-ın ən varlı adamı adını qoruyub saxladı.
Onun kapitalı 428 milyard dollara çatdı və bu, illik 128 milyard dollarlıq fenomenal artım nümayiş etdirdi.
Artımın əsas katalizatorları avtomobil nəhəngi Tesla-nın uğurları, SpaceX kosmik şirkətinin nailiyyətləri və süni intellektlə işləyən xAI startapının perspektivləri olub.
İkinci yerdə sərvəti 101 milyard dollar artaraq 276 milyard dollara çatan Oracle-ın həmtəsisçisi Larri Ellisondur.
Üçüncü yeri 253 milyard dəyərlə “Meta”nın yaradıcısı Mark Zukerberq tutub.
Forbes 400-ün bütün iştirakçılarının ümumi sərvəti 6,6 trilyon dollar olmaqla tarixi maksimuma çatıb ki, bu da əvvəlki illə müqayisədə 1,2 trilyon dollar çoxdur.
Cari reytinqin diqqətəlayiq xüsusiyyəti giriş həddinin əhəmiyyətli dərəcədə artması idi - siyahıya düşmək üçün indi minimum 3,8 milyard dollar lazımdır.
Statistikalar həmçinin kapital konsentrasiyasının artdığını ortaya qoydu: ümumi sərvətin demək olar ki, yarısı (təxminən 3 trilyon dollar) iyirmi nəfərin nəzarətindədir, onlardan on beşinin hər biri 100 milyard dollardan çox aktivə sahibdir.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB