Ümumdünya Səhiyyə Təşkilatı (ÜST) Rusiyanın hücumlarının davam etdiyi Ukraynada səhiyyə avadanlığının tədarükü və səhiyyə sisteminin davam etdirilməsi üçün gecə-gündüz işlədiklərini bildirib.
SİA-nın əldə etdiyi məlumata görə, ÜST-dən verilən yazılı açıqlamada Ukraynadakı münaqişələrdən 18 milyon insanın zərər çəkdiyi, təxminən 3 milyon insanın ölkəni tərk etdiyi vurğulanıb.
"Ölkənin tədarük zənciri ciddi şəkildə pozulub. Münaqişələr səbəbindən ehtiyat məhsulları əlçatmazdır, tibbi ləvazimatlar tükənir və xəstəxanalar yaralıları müalicə etmək üçün mübarizə aparır"-deyə açıqlamada qeyd olunub.
Açıqlamada bildirilib ki, ÜST 24 fevraldan bəridir Ukraynada səhiyyə sisteminin, tibbi ləvazimatların tədarükünün davam etdirilməsi və qonşu ölkələrdəki qaçqınların sağlamlıq ehtiyaclarının ödənilməsi üçün “gecə-gündüz işləyir”.
Bu çərçivədə martın 5-də Lvivə 36 ton tibbi ləvazimat, martın 8-də Kiyevə 10 ton travma və təcili yardım dəstləri, martın 9-da və 11-də Poltava üzərindən Xarkova 10 ton əsas sağlamlıq ləvazimatları göndərilib. Kiyevdəki xəstəxanalara 2 süni nəfəs aparatının, Lvivdəki xəstəxanalara isə 14 ton əsas sağlamlıq avadanlığının paylandığını bildirib.
ÜST-ün Polşada Ukraynadakı münaqişələr səbəbindən yarana biləcək epidemiyaları izləmək üçün təqib mərkəzi yaratdığı da açıqlanıb.
Açıqlamada 24 fevral-11 mart tarixləri arasında Ukraynada səhiyyə müəssisələrinə 31 hücumun təşkil edildiyi və bu hücumlarda 12 nəfərin həyatını itirdiyi qeyd edilib.
Açıqlamada "ÜST səhiyyə xidmətlərinə edilən hücumları pisləyir. Bu hücumlar ictimaiyyəti xilasedici xidmətlərdən məhrum edir" ifadəsindən istifadə edilib.
Bütün xəbərlər Facebook səhifəmizdə
.jpg)
.jpg)
USD
EUR
GBP
RUB
