Ümumdünya Səhiyyə Təşkilatının baş direktoru Tedros Adhanom Qebreyesus Afrika qitəsində təxminən 1 milyard insana yeni növ koronavirus (Covid-19) peyvəndinin bir dozasının vurula bilmədiyini bildirib.
SİA xəbər verir ki, Qebreyesus Beynəlxalq Səhiyyə Qaydalarının (IHR) Covid-19 Fövqəladə Komitəsinin 10-cu iclasının açılışında Covid-19 peyvəndlərindəki qlobal bərabərsizliyə və ədalətsizliyə diqqət çəkib.
Peyvənd millətçiliyi, epidemiyanın siyasiləşdirilməsi və qısamüddətli şəxsi maraq kimi maneələrin virusun təkamülü və yayılmasına təkan verdiyinə diqqət çəkən Qebreyesus “Nəticədə bir çox ölkələr özlərinin əsas (peyvənd) ehtiyaclarını və ya təvazökar hədəflərinə çata bilmir" deyib.
Hazırda dünya üzrə 9,4 milyard dozadan çox Covid-19 peyvəndi tətbiq edildiyini bildirən Qebreyesus “Ancaq ötən ilin sonuna qədər 90 ölkə əhalisinin 40 faizi peyvəndlənmə hədəfinə çata bilmədi və bu ölkələrin 36-sı hələ də əhalisinin 10 faizi peyvənd olunmayıb” məlumatını paylaşıb.
Afrika qitəsindəki əhalinin 85- faizinə bərabər olan təxminən 1 milyard insana Covid-19 peyvəndinin tək dozasının tətbiq edilə bilmədiyini ifadə edən Qebreyesus “Bu fərqi aradan qaldıra bilməsək epidemiyanın akut mərhələsinə son qoya bilmərik" xəbərdarlığını edib.
ÜST-nin Baş direktoru vurğulayıb ki, ölkələrin təcili prioriteti “xatırlatma dozası” tətbiq etmək əvəzinə, bütün dünyada heç vaxt peyvənd olunmamış riskli qrupların ilk peyvənd edilməsi olmalıdır.
Qebreyesus hazırkı Covid-19 peyvəndlərinin ciddi xəstəliklərin və ölümlərin qarşısını almaqda çox təsirli olsa da, yoluxmanın qarşısını tamamilə almadığını vurğulayıb.
Bütün xəbərlər Facebook səhifəmizdə
USD
EUR
GBP
RUB