Türkiyənin yeni kəşfiyyat-qazma gəmisi avqustda fəaliyyətə başlayacaq

Türkiyənin yeni kəşfiyyat-qazma gəmisi “Əbdülhəmid Han” avqust ayının ilk yarısında fəaliyyətə başlayacaq.

SİA-nın əldə etdiyi məlumata görə, bu barədə enerji naziri Fatih Dönməz açıqlama verib.

Gəminin ilk fəaliyyət istiqaməti olaraq beş alternativ bölgə ətrafında müzakirələrin aparıldığını deyən nazir bu ərazinin böyük ehtimalla Aralıq dənizi ola biləcəyini bildirib.

Nazir deyib ki, Mavi Vətəndə öz dəniz təsir sahələrimizdə qazma işlərimizi 4 ildir fasiləsiz davam etdiririk. Ən böyük gücümüz donanmamızın dərin dəniz qazma gəmiləridir. Əvvəlcə "Fatih", sonra "Yavuz" və son olaraq "Kanuni" donanmamıza qatıldı.

""Castoro 10 gəmisi dayazlıqda öz missiyasını başa vurmaq üzrədir. "Castorone" gəmisi dənizin dərinliklərində boruların çəkilməsi ilə məşğul olacaq. Yəqin ki, bayram günlərində ilk əməliyyatlarına başlayacaq".

Qeyd edək ki, ən son texnologiyalarla təchiz olunan və ikiqat təhlükəsizlik sistemi ilə qorunan “Əbdülhəmid Han” gəmisinin uzunluğu 238, eni isə 42 metrdir. Gəmi 12 200 metrə qədər dərinlikdə qazma qabiliyyəti ilə Türkiyənin su sahəsində effektiv tədqiqatların aparılmasında mühüm rol oynayacaq.

Gəminin göyərtəsində 200 nəfərə yaxın heyət üzvünün yerləşdirilməsinə imkan var.

Bütün xəbərlər Facebook səhifəmizdə

loading...