Ölkəmizin kredit reytinqi yüksəlib - SAMİR ŞƏRİFOV

Pandemiya əleyhinə Azərbaycanda həyata keçirilən tədbirlər nəticəsində ölkədə iqtisadi tənəzzülün aktiv fazaya keçməsinin qarşısı alındı. SİA-nın məlumatına görə, bunu maliyyə naziri Samir Şərifov Milli Məclisin bu gün keçirilən iclasında 2020-ci il dövlət büdcəsinin icrası ilə bağlı qanun layihəsinin müzakirəsi zamanı deyib.

Nazir bildirib ki, 2020-ci ildə ölkə iqtisadiyatında ağır fəsadlara baxmayaraq ölkəmizin kredit reytinqi yüksəlib.

S.Şərifov bildirib ki, koronavirus pandemiyası ilə mübarizə məqsədilə ötən il 1 milyard 970 milyon manat vəsait sərf olunub.

Onun sözlərinə görə, bu xərclər zəruri tibbi avadanlıqların, dərman vasitələrinin alınmasına, çarpayı fondunun artırılmasına, karantin nəzarətinə alınan şəxslərin dəstəklənməsinə, modul tipli xəstəxanalarının əlavə korpuslarının saxlanılması və digər xərlərə yönəldilib.

Nazirin bildirib ki, sahibkarlıq subyektlərinə dəstək məqsədilə 813 milyon manat vəsait ayrılıb: "Sosial tədbirlər üçün isə 505 milyon manat vəsait ayırıb. Azərbaycan eyni zamanda koronavirusla mübarizədə beynəlxalq tədbirlər həyata keçirib, beynəlxalq təşkilatlara və bir sıra ölkələrə 39 milyon manat məbləğində maddi və humanitar yardım göstərilib".

Müəllif: Aysel Məmmədova

Bütün xəbərlər Facebook səhifəmizdə