İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti istehlak bazarında süni qiymət artımının qarşısının alınması məqsədi ilə monitorinq və araşdırmalarını davam etdirir.
Nazirliyin mətbuat xidmətinin SİA-ya verilən məlumata görə, son günlər aparılan monitorinqlər zamanı duru yağların 5-6 faiz, şəkərin 4 faizədək, şəkər tozunun 5-6 faiz, yumurtanın 50 faizədək, toyuq ətinin 15 faizədək, süd məhsullarının isə 2-4 faiz ucuzlaşması qeydə alınıb. Bundan başqa, kartofun 15 faizədək, soğanın 10 faizədək, sitrus meyvələrinin isə 15-20 faiz ucuzlaşması müşahidə edilib.
Monitorinq və araşdırmalar davam etdirilir.
Bütün xəbərlər Facebook səhifəmizdə
USD
EUR
GBP
RUB