Azərbaycan Dövlət Neft Şirkətinin (ARDNŞ) Marketinq və İqtisadi Əməliyyatlar İdarəsi bu ilin mart ayında Novorossiysk (Qara dəniz, Rusiya) limanından 84 681 ton xam neft ixrac edib.
ARDNŞ-dən SİA-ya verilən məlumata görə, bu, ötən ilin eyni dövrü ilə müqayisədə 47% azdır.
Ötən ay Supsa (Qara dəniz, Gürcüstan) limanından 1,5% çox və ya 242 053 ton, Ceyhan (Aralıq dənizi, Türkiyə) limanından isə 20,3% çox və ya 1 702 355 ton xam neft ixrac edilib.
Ümumilikdə bu ilin yanvar-mart ayları ərzində ötən ilin analoji dövrünə nisbətən Novorossiysk limanından 38,1% az və ya 254 330 ton, Supsa limanından 10% çox və ya 807 183 ton, Ceyhan limanından isə 2,3% çox və ya 4 694 973 ton xam neft ixrac edilib.
ARDNŞ-ın Marketinq və İqtisadi Əməliyyatlar İdarəsi tərəfindən ixrac olunmuş xam neftin göstəriciləri həm Azərbaycan dövlətinə, həm də ARDNŞ-a məxsus xam neft həcmlərini əks etdirir.
Bütün xəbərlər Facebook səhifəmizdə
USD
EUR
GBP
RUB