"Azərbaycan regionda həyata keçirilən qlobal iqtisadi layihələrin həyata keçirilməsində Türkiyənin və Gürcüstanın yaxından iştirakına xüsusi diqqət yetirir". Bunu SİA-ya açıqlamasında millət vəkili Vahid Əhmədov deyib.
Onun sözlərinə görə, Azərbaycan-Türkiyə arasında davamlı əməkdaşlığın genişləndirilməsi hər iki dövlətin regionda siyasi-iqtisadi və strateji maraqlarının təmin edilməsinə xidmət edir: "Azərbaycan-Türkiyə-Gürcüstan münasibətləri yüksələn xətlə inkişaf edir. Bu dövlətlər arasında müqavilələr imzalanıb və mədəni əlaqələr o cümlədən, ticarət əlaqələri qurulub".
Vahid Əhmədov onu da qeyd edib ki, böyük layihələrdən olan Bakı-Tbilisi-Qars dəmiryolu və TANAP qaz kəməri bu dövlətlərin ərazisindən keçir: "Bu dəmiryolu xətinin 2014-cü ilin sonuna kimi təhvil verilməsi gözlənilir. Bakı-Tbilisi-Qars dəmiryolunun istifadəyə verilməsi yük və sərnişindaşıma da artımlar olacağını deməyə əsas verir. Bir sözlə bizim bu dövlətlərlə çox zəngin birgə tariximiz və ortaq dəyərlərimiz var".
Bütün xəbərlər Facebook səhifəmizdə
USD
EUR
GBP
RUB