"Enerji satan ölkədə qiymətlərin birdən-birə təqribən 30 %-dən artıq artması əhalinin yoxsul təbəqəsinin sosial durumuna ciddi şəkildə mənfi təsir göstərəcək". SİA-nın məlumatına görə, bunu millət vəkili Qüdrət Həsənquliyev Tarif Şurasının qiymətləri artırması ilə bağlı məsələni şərh edərkən deyib.
O bildirib ki, yaxın günlərdə kənd təsərrüfatı məhsullarının qiymətləri də artacaq: "Bununla yanaşı, nəqliyyat xərcləri də avtomatik olaraq qalxacaq. Bu da Azərbaycanda əmək haqqlarının artımı ilə müqayisədə azdır. Ölkəmizdə əmək haqqları 10 faiz artır, lakin yanacağın qiyməti bu dəfə 27-30 faiz artdı. Belə ki, 45 qəpiklik dizel yanacağının qiyməti 80 qəpik civarında olub. Bu da 1/3 qədər artım deməkdir. Bu baxımdan da bu addım iqtisadiyyatın inkişafına töhfə verməyəcək".
Bütün xəbərlər Facebook səhifəmizdə
USD
EUR
GBP
RUB