"Bu yay mövsümündə "Şahdağ" Qış-Yay Turizm və İstirahət Kompleksi turizim xidmətləri göstərilməyəcək". SİA-nın məlumatına görə, bu barədə jurnalistlərə mədəniyyət və turizm naziri Əbülfəs Qarayev deyib.
Bunun səbəbini izah edən nazir bildirib ki, kompleksdə birinci mərhələ üzrə inşaat işləri tamamlanmalıdır: "Burada yolların müəyyən hissəsinin hazır olmaması bizə maneə törədəcək. Buna görə də, qərara gəlmişik ki, indidən turist axını saxlanılsın, burada aparılan tikinti işləri davam etdirilsin".
O bildirib ki, növbəti qış mövsümü üçün kompleksdə daha iki hotelin istifadəyə verilməsi gözlənilir: "Bundan sonra kompleks ilin bütün fəsillərində xidmət göstərə biləcək".
Qarayev onu da vurğulayıb ki, kompleksə investorların da sərmayə yatırmaları üçün təkliflərə baxılır və onlara müəyyən olunmuş yerlərdə inşaat işlərinin aparılması üçün razlılq verilir.
Nazirin sözlərinə görə, yayda bu işlərin bir hissəsi tamamlanacaq.
Bütün xəbərlər Facebook səhifəmizdə
USD
EUR
GBP
RUB