"SOCAR Yay Məktəbi-2011"in 6-cı günü, sentyabrın 6-də Strateji inkişaf və Qazın marketinqinə həsr olunmuş məşğələ keçirilib. SİA-nın şirkətin saytına istinadən verdiyi xəbərə görə, ARDNŞ-nin Qaz İxrac İdarəsinin Marketinq şöbəsinin rəis müavini Sərxan Əliyev və Şirkətin Strateji İnkişaf şöbəsinin rəisi Ramiz Əliyev "Qazla bağlı iqtisadi əməliyyatlar, qazın marketinqi və satışına giriş", eləcə də "ARDNŞ-nin strateji inkişafı, perspektiv planlar" mövzularında təqdimatla çıxış etmiş və tələbələri maraqlandıran sulları cavablandırıblar.
Həmin gün Yay Məktəbinin iştirakçıları təşkilatçılarla birlikdə ARDNŞ-nin Sumqayıt şəhərində yerləşən "Azərikimya" İstehsalat Birliyinin Etilen-Polietilen Zavoduna ekskursiya etmiş, müəssisənin istehsal prosesləri ilə tanış olublar. Ekskursiyadan əvvəl tələbələr xüsusi formalarla təmin olunaraq, onlara təhlükəsizlik qaydaları haqqında ətraflı məlumat verilib.
"Azərikimya" İB-nin icraçı direktorunun müavini, baş mühəndis Firudin Mustafayevin "Neft kimya sənayesinin əsasları" adlı təqdimatı dinlənilib. Günün axşam qonaqları isə ARDNŞ-nin strateji inkişaf üzrə vitse-prezident Tofiq Qəhrəmanov və ekologiya üzrə vitse-prezident Rəfiqə Hüseynzadə olublar. Qonaqlar Yay Məktəbinin iştirakçılarına ARDNŞ-nin strateji məqsədləri və layihələri, perspektivli gənc mütəxəssislərə tələbat, həmçinin tikilməsi planlaşdırılan Neft-Qaz Emalı və Neft-Kimya kompleksi, perspektiv ekoloji layihələr barədə geniş məlumat verib, onların sullarını cavablandırıblar.
Görüşdə yeni kompleks haqqında nümayiş etdirilən qısametrajlı film iştirakçıların geniş marağına səbəb olub. Günün sonunda komandalar arasında müxtəlif intelektual oyunlar keçirilib.
Bütün xəbərlər Facebook səhifəmizdə
USD
EUR
GBP
RUB
