Avropa İttifaqı üzv ölkələrin birgə təbii qaz alışı üçün yaradılmış platforma çərçivəsində ikinci tender prosesinə başlayıb.
Avropa İttifaqı Komissiyası elan edib ki, etibarlı beynəlxalq təchizatçılar Avropa İttifaqının ikinci birgə təbii qaz satınalma tenderi çərçivəsində təkliflər təqdim etməyə dəvət olunur.
Açıqlamada bildirilib ki, tender 2023-cü ilin avqustundan 2025-ci ilin martına qədər olan dövrü əhatə edir və 49 şirkətin tələb etdiyi 15,9 milyard kubmetr təbii qazın çatdırılmasını əhatə edir.
Yeni tender prosesinin iyulun 10-na qədər davam edəcəyinə diqqət çəkilən açıqlamada tenderdəki ümumi tələbin təxminən yarısının mayeləşdirilmiş təbii qazın (LNG) alınması üçün olduğu qeyd edilib.
Açıqlamada xatırladılıb ki, Avropa İttifaqının ilk birgə qaz alqı-satqısı tenderi 11,6 milyard kubmetr qaz tədarükü müqaviləsi ilə nəticələnib.
24 fevral 2022-ci ildə başlayan Rusiya-Ukrayna müharibəsindən əvvəl Avropa İttifaqı ildə təxminən 400 milyard kubmetr təbii qaz istehlak edirdi.
Rusiya Avropa İttifaqının ən böyük təbii qaz tədarükçüsü idi. Müharibə ilə Rusiyadan Avropaya təbii qaz nəqli kəskin şəkildə azaldığından enerji böhranı başladı.
Avropa İttifaqı təbii qazda Rusiyadan asılılığını azaltmağa və təchizatçılarının müxtəlifliyini artırmağa cəhd edir.
Bütün xəbərlər Facebook səhifəmizdə
USD
EUR
GBP
RUB