Avtomobil sənayesində ən yüksək may ayı ixracı

Türkiyənin avtomobil sənayesi ötən ay 3 milyard dollarlıq xarici satış həyata keçirərək, bu günə qədərki ən yüksək may ixracını reallaşdırıb. SİA bu barədə Tükiyə saytlarına istinad edir.

Uludağ Avtomobil Sənayesi İxracatçıları Birliyindən (OİB) verilən açıqlamaya görə, Türkiyə avtomobil sənayesinin may ayı ixracatı əvvəlki ilin eyni dövrü ilə müqayisədə 32 faiz artımla 3 milyard 29 milyon 593 min dollara çatıb.

May ayında bu günə qədər ən yüksək ixrac satışını əldə edən sektor 14 faiz payla Türkiyə ixracatında yenə birinci yerdədir.

Avtomobil sənayesinin ən böyük ehtiyat məhsul qrupu olan tədarükçü sənayesinin may ayı ixracatı bir əvvəlki ilin eyni ayı ilə müqayisədə 40 faiz artaraq 1 milyard 288 milyon dollara çatıb.

Ölkələr üzrə ən böyük bazar olan Almaniyaya 36 faiz artımla 426 milyon dollar, Fransaya 35 faiz artımla 411 milyon dollar, Böyük Britaniyaya 26 faiz artımla 273 milyon dollar ixrac realaşdırılıb.

İxrac İtaliyaya 44,5 faiz, İspaniyaya 57 faiz, Polşaya 32 faiz, Belçikaya 31 faiz, Rusiyaya isə 172 faiz artıb.

Bütün xəbərlər Facebook səhifəmizdə