F.Köçərli adına Respublika Uşaq Kitabxanası “Əzizinəm Qarabağ” adlı virtual sərgini oxucuların istifadəsinə təqdim edib. SİA-nın məlumatına görə, oxucular, virtual sərgi vasitəsilə Qarabağ həqiqətlərini əks etdirən, real tarixi faktlara və sənədlərə əsaslanan 50 kitabın tam mətni ilə tanış ola bilər.
Təqdim olunmuş kitablar arasında Fazil Qaraoğlunun “Ermənilər və həqiqətlər”, İsmayıl İmanzadə, Tariyel Abbaslının “Cəbrayıl şəhidləri”, Əlisahib Əroğulun “Erməni-daşnak faşizmi və Azərbaycan”, Günel Anarqızının “Oğlun Qarabağ”, Ələmdar Quluzadənin “Qadan mənə Qarabağ”, Elxan Elatlının “Qisas gecəsi”, Sevinc Nuruqızının “Qisas”, Əlibala Məhərrəmzadənin “ Xocalı Soyqırımı”, Mina Rəşidin “Baxmaqla görmək ayrıdı!” kimi müxtəlif Qarabağ həqiqətlərini əks etdirən kitablar yer alıb.
Qeyd edək ki, sərgi ilə tanış olmaq istəyənlər kitabxananın www.clb.az saytının multimedia bölməsində baxa bilər.
Bütün xəbərlər Facebook səhifəmizdə
USD
EUR
GBP
RUB
