Azərbaycan Milli İncəsənət Muzeyinin iqtisadi məsələlər üzrə direktor müavini Marina Aslanova, beynəlxalq əlaqələr və innovasiyalar şöbəsinin müdiri Əminə Məlikova, sərgi və tərtibat şöbəsinin müdiri Araz Osmanov və elmi katib Xədicə İbrahimova ABŞ departamentinin təşkilatçılığı ilə Vaşinqton, Nyu-York və Ohio ştatlarına işgüzar səfər edib. Muzeyin mətbuat xidmətindən SİA-ya verilən məluma görə, səfər çərçivəsində ABŞ-ın bir neçə aparıcı muzeylərinin mütəxəssisləri ilə görüş keçirilib. Görüş əsnasında əməkdaşlarımız "Azərbaycan muzeylərinin inkişaf tarixi" mövzusunda çıxış edərək, yerli mütəxəssisləri ölkəmizin aparıcı və müasir muzeyləri, muzeylərin sərgi imkanları, keçirilən maraqlı sərgilər barəsində məlumatlandırıblar.
Görüşdə mövzuya dair fotoşəkillər və videoçarx nümayiş etdirilib. Həmçinin görüşdə gələcəkdə mədəni əlaqələrin genişləndirilməsi baxımından qarşılıqlı, mühüm əhəmiyyət kəsb edəcək layihələrin həyata keçirilməsi müzakirə olunub.
Qeyd edək ki, səfər iyulun 29-na kimi davam edəcək.
Bütün xəbərlər Facebook səhifəmizdə
USD
EUR
GBP
RUB