Abdulla Şaiq adına Azərbaycan Dövlət Kukla Teatrı nəzdində fəaliyyət göstərən "Oyuq" teatr-studiyasının üzvləri Türkiyəyə səfərə hazırlaşırlar. SİA-nın verdiyi məlumata görə, teatrın balaca istedadları qardaş ölkədə ənənəvi 23 aprel - Milli Suverenlik və Uşaq Günü münasibətilə reallaşacaq möhtəşəm tədbirdə repertuarlarındakı nümunələrdən yığılmış "Nağıl çələngi" adlı tamaşa-konsert proqramı ilə çıxış edəcəklər. Aylin Nəcəfli, Tunar İsa, Selcan Musayeva və Nazim Hacıyev türkiyəli yaşıdları qarşısında Tıq-Tıq xanım, Cırtdan, Gəlincik və Ələddin kimi məşhur nağıl qəhrəmanlarının obrazlarını canlandıracaqlar. Səidə Haqverdiyevanın ssenari müəllifi olduğu tamaşa-konserti studiyanın müəllimi, aktrisa Cəmilə Allahverdiyeva səhnələşdirib.
Qeyd edək ki, aprelin 20-dən 26-dək davam edəcək səfər çərçivəsində balacaların Türkiyənin digər şəhərlərində çıxışları da nəzərdə tutulur.
Bütün xəbərlər Facebook səhifəmizdə
USD
EUR
GBP
RUB