Türkiyənin tanınmış kino xadimləri, bir çox seriallardan tanıdığımız aktyorlar bu gün Bakıya gələcək. SİA-nın məlumatına görə, aktyorların Bakıya səfəri xalq yazıçısı Elçin Əfəndiyevin "Mahmud və Məryəm" romanı əsasında çəkilməsi nəzərdə tutulan eyni adlı filmlə bağlıdır.
Filmin rejissoru Mehmet Ada Öztekinin də daxil olduğu heyətdə, Mahmud rolunun ifaçısı "Öyle bir geçər zaman ki..." teleserialında Mete rolunu canlandıran Aras Bulut, Məryəm rolunu canlandıracaq qazaxıstanlı Eva Dedova da var.
Bu gün Bakıya gələcək heyətdə Tomris İncer, Mehmet Çevik, Polat Bilgin, Şafak Başkaya, Kristina Krepela, Açelya Özcan, İlker Kizmaz, Mert Öcal və qonaq oyuncu Cemal Hünal da təmsil olunur. Türkiyəli aktyorların gələcəkləri təyyarə bu gün axşam saat 19:30-da Heydər Əliyev Hava Limanında olacaq.
Filmdə Azərbaycan aktyorlarından Fəxrəddin Manafov, Məlahət Abbasova, Şamil Süleymanov, Murad Abdullayev, Ramiz Məlikov rol alıblar. Filmlə bağlı iyulun 18-də mətbuat konfransı keçirilməsi nəzərdə tutulur.
"Mahmud və Məryəm"in çəkilişlərinə iyulun 20-də Şəkidə start veriləcək. Filmin çəkilişləri Azərbaycanla yanaşı, Türkiyədə də aparılacaq.
Bütün xəbərlər Facebook səhifəmizdə
USD
EUR
GBP
RUB