...“Actor Awards” mərasimində əfsanəvi Harrison Ford “SAG-AFTRA” ömürlük nailiyyət mükafatını qəbul edərkən hisslərini cilovlaya bilməyib.
“Ulduz müharibələri” və “İndiana Cons” ulduzu altı onillik səyahətini danışarkən duyğulara qərq olub.
SİA-nın məlumatına görə, uzunmüddətli dostu aktyor Vudi Harrelson mükafatı təqdim edərək Fordun unikal istedadını və çox yönlülüyünü - aktyorluqdan pilotluğa və dülgərliyə qədər tərifləyib.
Çıxışında Ford uğurunun ani olmadığını vurğulayıb.
...Mən 15 il mübarizə apardım, aktyorluq işindən dülgərliyə keçdim, ta ki çox uğurlu bir filmdə rol aldım, - deyə aktyor rejissorlar Corc Lukasa, Stiven Spilberqə və müəllimlərinə erkən dəstəklərinə görə təşəkkür edib.
...Ford kollecdə “itkin düşmüş və tənhakıq” hiss etdikdə aktyorluğa müraciət etdiyini söyləyib.
Teatr onun xilası və ilk dəfə "böyük bir şeyin bir hissəsi" olduğunu hiss etdiyi yer oldu.
...Aktyorlarla işləmək həyatımın ən böyük sevinclərindən biridir. Karyeram çəkiliş meydançasını paylaşdığım hər bir insanın səyləri üzərində qurulub, - deyə o qeyd edib.
Aktyor gənc nəslə dəstək olmağın vacibliyini vurğulayıb: “Uğurumuz bizə azadlıq verir və bununla yanaşı, növbəti İtirilmiş Oğlan üçün qapıları açıq saxlamaq məsuliyyəti də daşıyır.”
81 yaşlı Ford təqaüdə çıxmaq planının olmadığını bildirib: “Yaşlı aktyorlara da ehtiyac var - kimsə yaşlıları oynamalıdır”.
Harrison Ford Robert De Niro, Betti Uayt və Ceyn Fonda kimi ulduzlara qoşularaq mükafatın 61-ci laureatı olub.
Nazlı Almuradova
Bütün xəbərlər Facebook səhifəmizdə
.jpg "İranın yeni lideri kimdir?")
.jpg "TV-lərin reytinq bazarı: satan razı, bəs alan?")
.jpg)
USD
EUR
GBP
RUB