Göygöl şəhərində yol qəzası baş verib. APA-nın qərb bürosunun xəbərinə görə, "VAZ 2106" və "VAZ 21011" markalı avtomobillərin toqquşması nəticəsində, rayon sakini 1942-ci il təvəllüdlü Mərdanov Manaf Cahangir oğlu müxtəlif bədən xəsarətləri alaraq Gəncə şəhər təcili tibbi yardım xəstəxanasına yerləşdirilib. Ona tibbi yardım göstərilib. Vəziyyətinin orta-ağır olduğu bildirilir. Faktla bağlı araşdırma aparılır.

Bütün xəbərlər Facebook səhifəmizdə