Şükranlıq həftəsi səbəbiylə alış-veriş sıxlığının yaşandığı ABŞ-ın iki ştatında ticarət mərkəzlərində çıxan silahlı atışmalarda 4 nəfər yaralanıb. SİA xarici mətbuata istinadən xəbər verir ki, ABŞ-ın şərqindəki Şimali Karolina ştatının Durham şəhərində bu il noyabrın 25-nə təsadüf edən Şükran Günü və ondan sonra başlayan alış-veriş basırığının yaşandığı bir ticarət mərkəzində iki qrup arasında mübahisə yaranıb. Durham polis rəisi Patris Endryus deyib ki, silahlar əvvəllər bir-birini tanıyan iki qrup arasında mübahisə zamanı açılıb. Andrews hadisə nəticəsində iki nəfərin yaralandığını bildirib. Güllələrdən birinin 10 yaşlı uşağa dəydiyini bildirən Endryus 3 yaralının xəstəxanaya aparıldığını qeyd edib. Andrews müştərilərin hadisə yerindən qaçmağa çalışaraq qapılara doğru getməsi nəticəsində meydana gələn izdihamda 3 nəfərin yüngül şəkildə yaralandığını da bildirib. Toqquşan qrupların daha sonra qaçdığını bildirən Endryus hadisə ilə əlaqədar bir nəfərin nəzarətə alındığını bildirib. Tacoma Polis Departamentinin əməkdaşı Qari Vurges Vaşinqton ştatının şimal-qərbindəki Tacoma şəhərinin ən böyük ticarət mərkəzi olan The Tacoma Mall-un restoran mərtəbəsində davanın baş verdiyini bildirib. Vurges bir nəfərin güllələndiyini, vəziyyətinin ağır olduğunu bildirib.

Müəllif: Turqay Musayev

Bütün xəbərlər Facebook səhifəmizdə

loading...