Pompeo-Netanyahu görüşündə İsrailin təhlükəsizliyi müzakirə edilib

Lissabonda ABŞ Dövlət Katibi Mayk Pompeo ilə İsrailin Baş Naziri Benyamin Netanyahu arasında görüş olub. Görüşdə İran və İsrailin təhlükəsizliyi məsələləri müzakirə edilib. SİA "RİA Novosti"yə istinadən xəbər verir ki, bu barədə Pompe özünün "Twitter" səhifəsində bildirib. "Bizim Netanyahu ilə bu axşam Lissabonda daha bir məhsuldar görüşümüz olub. Biz İranın bölgədəki sabitliyi pozan təsirinə qarşı birgə səylərimizini artırılmasını, regional tərəfdaşlarla iqtisadi əməkdaşlığın əhəmiyyətini və İsrailin təhlükəsizliyi ilə bağlı digər mövzuları müzakirə etdik", - deyə Dövlət Katibi yazıb. Qeyd edək ki, bundan bir qədər əvvəl İranın Xarici İşlər Nazirliyi ABŞ-ı Fələstinin "işğalı"nda İsrailə kömək etməkdə günahlandıraraq, beynəlxalq ictimaiyyəti ABŞ-ın İsrailin məskunlaşma fəaliyyətinə dair siyasətinə qarşı çıxmağa çağırıb.

Bütün xəbərlər Facebook səhifəmizdə

loading...