"Taliban" Əfqanıstanda 18 asayiş keşikçisini öldürüb

"Taliban" üzvləri Əfqanıstanın qərbində yerləşən Fərəh əyalətindəki təhlükəsizlik qüvvələrinə hücum edib. Axar.az xəbər verir ki, hadisə zamanı Balabuluk rayonunda 18 asayiş keşikçisi həlak olub, üç əməkdaş oğurlanıb. Təhlükəsizlik qüvvələrinin daha 6 əməkdaşı isə vilayətin inzibati mərkəzi olan Fərəh şəhərində qətlə yetirilib.

Qeyd edək ki, 2014-cü ildə ABŞ-ın hərbi birləşmələri Əfqanıstanı tərk etdikdən sonra ölkənin cənub rayonlarının bir çoxu "Taliban"ın nəzarətinə keçib. Bölgədə həmçinin İŞİD terrorçuları da aktiv fəaliyyət göstərir.

Bütün xəbərlər Facebook səhifəmizdə