...Ukrayna hücumlarından sonra Rosneft-in Tuapse neft emalı zavodunun (NEZ) bərpası Rusiyaya 5 milyard dollara başa gələ bilər.
SİA xəbər verir ki, bu barədə Kiyev İqtisadiyyat Məktəbinin Enerji və İqlim Tədqiqatları Mərkəzinin direktoru Boris Dodonov "The Washington Post" qəzetinə verdiyi şərhdə bildirib.
Onun sözlərinə görə, martın sonu və aprelin əvvəlində Rusiyanın əsas neft terminallarına edilən bir sıra zərbələr Rusiyaya təxminən 2,2 milyard dollar gəlir itkisinə səbəb olub.
Hücumlar liman qurğularının bir həftəlik bağlanmasına və ixrac həcmlərinin müvəqqəti olaraq azalmasına səbəb olub. Eyni zamanda, Dodonov qeyd edib ki, xərclərin artmasına baxmayaraq, İranla müharibə ilə əlaqəli qiymətlərin kəskin artması səbəbindən Rusiyanın neft ixracından gələn gəlirlər yenə də artıb - fevral ayında 9,8 milyard dollarla müqayisədə mart ayında 19 milyard dollara yüksəlib.
...Rusiyanın neft gəlirləri Hörmüz boğazının bağlanması və İrandakı münaqişə səbəbindən demək olar ki, ikiqat artıb, lakin Ukraynanın zərbələri yenə də onları azaldıb.
Bunu da Dodonov etiraf edir.
Əli Babayev
Bütün xəbərlər Facebook səhifəmizdə
USD
EUR
GBP
RUB