...Avropa İttifaqı Ukrayna uşaqlarının qanunsuz deportasiyası və “yenidən təhsili”ndə məsul olan Rusiya fərdlərinə və qurumlarına qarşı yeni sanksiyalar hazırlayır.
Azad Avropa/Azadlıq Radiosunun müxbiri tərəfindən nəzərdən keçirilən sanksiya layihəsində AB Moskvanın hərəkətlərini “beynəlxalq hüququn ciddi şəkildə və uşağın fundamental hüquqlarının pozulması, Ukrayna kimliyini məhv etmək və onun gələcək reproduksiyasına xələl gətirmək” adlandırır.
SİA-nın məlumatına görə, son üç ildə AB artıq bu deportasiyalarda iştirak edən bir sıra təşkilat və şəxsləri qara siyahıya salıb.
6 mayda AB səfirlərinin ondan çox yeni hədəfə qarşı yeni sanksiyaları təsdiqləməsi gözlənilir. Sanksiyalar üçün təklif olunan təşkilatlardan biri Rusiya Təhsil Nazirliyinə bağlı olan Ümumrusiya Uşaq Mərkəzi "Smena"dır.
Sanksiyaların əsaslandırılmasında deyilir ki, mərkəz işğal olunmuş ərazilərdən zorla çıxarılan, ideoloji təlqinə, "ruslaşdırmaya" və militarizasiyaya məruz qalan azyaşlı ukraynalıları qəbul edir.
Digər bir təşkilat isə Aİ sanksiya layihəsinə görə, uşaqları "siyasi cəhətdən tərbiyələndirmək" məqsədi daşıyan və hərbi təlim dərsləri keçirən "Avanqard Gənclərin Hərbi-Vətənpərvərlik Təhsili Mərkəzi"dir.
İşğal olunmuş Krımda yerləşən digər iki təşkilat da “uşaqların yenidən təhsili, ideoloji tərbiyələndirilməsi və hərbiləşdirilməsi” mərkəzləri kimi xarakterizə olunur.
Rusiya rəsmiləri ukraynalı uşaqların ölkədən qanunsuz olaraq çıxarılmasını inkar edir, onların hərəkətlərini ya humanitar jest, ya da Ukraynanın Rusiya tərəfindən işğal edilmiş bölgələrində infrastrukturun və sosial xidmətlərin dağıdılmasının zəruriliyi kimi təqdim edirlər.
AB-yə girişinin qadağan edilməsi təklif edilən şəxslərin əksəriyyəti qadınlardır ki, bu da AB sanksiyaları üçün qeyri-adi haldır.
Onların arasında ukraynalı uşaqları qəbul edən müxtəlif düşərgələrin və təhsil müəssisələrinin direktorları, məsələn, layihə sənədinə görə, proqramı “Rusiyapərəst narrativləri, vətənpərvərlik ritorikasını və hərbi-vətənpərvərlik tərbiyəsinin elementlərini təşviq edən” “Qırmızı Qərənfil” düşərgəsinə rəhbərlik edən Liliya Şvetsova da var.
Siyahıdakı digər bir şəxs, Nataliya Şevçukdur.
O, Rusiya tərəfindən işğal edilmiş Ukrayna ərazilərində Rusiyapərəst ideologiyanı yaymaqla və Ukrayna milli kimliyini sarsıtmaqla məşğul olan bir neçə “hərbi-vətənpərvərlik klubu”nun rəhbəri kimi adlandırılıb.
Bundan əlavə, sanksiyalar ukraynalı uşaqların rus ailələrinə köçürülməsindən məsul olan uşaq ombudsmanlarını hədəf alır.
Sanksiyalar siyahısına həmçinin yetkinlik yaşına çatmayanların hərbi təlimi və ya Rusiya hərbi qulluqçuları ilə “Qəhrəmanlar ilə dialoqlar” adlı görüşlər təşkil etməklə məşğul olan şəxslər də daxildir.
Yeni sanksiyalar Kanada, Ukrayna və Aİ xarici işlər nazirlərinin, eləcə də təxminən 50 ölkənin yüksək səviyyəli nümayəndələrinin 11 mayda Brüsseldə keçiriləcək görüşündən əvvəl tətbiq olunur. Görüşdə Ukrayna uşaqlarının geri qaytarılması yolları müzakirə olunacaq.
SİA xatırladır ki, bu günə qədər koalisiya və üzvləri təxminən 1600 uşağın Ukraynaya qaytarılmasını təmin ediblər. Amma bununla belə koalisiya minlərlə, bəkə də daha çox uşağın ölkə xaricində qaldığını təxmin edir.
Əli Babayev
Bütün xəbərlər Facebook səhifəmizdə
USD
EUR
GBP
RUB