...Son illərdə Rusiya müntəzəm olaraq nüvə silahlarından istifadə etməklə hədələyib, Çin nüvə arsenalını genişləndirib və modernləşdirib, Şimali Koreya isə raketlərinin mənzilini və dəqiqliyini artırıb.
Bundan əlavə, Cənubi Asiyadakı gərginlik və ABŞ və İsrailin İranın nüvə obyektlərinə hücumları müasir nüvə strategiyasının çoxqütblü risklərini vurğulayır.
SİA-nın əldə etdiyi məlumata görə, bu barədə Atlantic Counci yazır.
...2026-cı ilin fevral ayında Yeni START Müqaviləsinin müddətinin bitməsi ABŞ və Rusiyanın strateji qüvvələrinə qoyulan son məhdudiyyətləri aradan qaldırdı və arsenalın modernləşdirilməsi, qüvvələrin planlaşdırılması, eləcə də müttəfiqlərlə sabitliyin qorunması üçün yeni çətinliklər yaratdı.
Eyni zamanda, yeni texnologiyalar və raketdən müdafiə sistemləri eskalasiya risklərini artırır və mövcud çəkindirmə yanaşmalarının effektivliyini şübhə altına alır.
ABŞ hazırda dörd mümkün strategiyanı nəzərdən keçirir.
...Birincisi, müqavilənin müddəti bitməsinə baxmayaraq şəffaflığı və proqnozlaşdırıla bilənliyi qorumaq üçün Rusiya ilə danışıqları bərpa etməkdir.
...İkincisi, Pekin ənənəvi olaraq bu cür təşəbbüsləri rədd etsə də, Çini çoxtərəfli silah nəzarəti danışıqlarına cəlb etməkdir.
...Üçüncüsü, ABŞ-ın nüvə arsenalının modernləşdirilməsinə üstünlük verərkən silah nəzarətini dayandırmaqdır.
...Dördüncüsü, birləşdirilmiş yanaşmadır: Rusiya və Çinlə nüvə sabitliyi prinsipləri üzrə yüksək səviyyəli dialoq aparmaq, eyni zamanda konkret risklərin azaldılması tədbirləri hazırlamaq üçün ekspert qrupları yaratmaq.
Ekspertlər qeyd edirlər ki, bu iki səviyyəli yanaşma Rusiya və Çinin nüvə arsenallarının artımını dərhal azaltmayacaq, əksinə ABŞ-a modernləşdirmə proqramını saxlamağa, müttəfiqlərini dəstəkləməyə və gələcək nüvə risklərinin idarə edilməsi danışıqları üçün təməl qoymağa imkan verəcək. Döyüş başlıqlarının sayı, rabitə mexanizmləri, şəffaflıq və təsadüfi eskalasiyanın qarşısını almaq üçün əməkdaşlıq vacibdir.
Yeni nüvə çoxqütblülüyü kontekstində dialoq təhdidlərin azaldılması və strateji sabitliyin gücləndirilməsi üçün əsas vasitə olaraq qalır.
Əli Babayev
Bütün xəbərlər Facebook səhifəmizdə
.jpg "Xamneyi Putinə sığınıb, yoxsa...")
USD
EUR
GBP
RUB