...Ukrayna Silahlı Qüvvələrinin Baş Qərargahı 20 dekabr şənbə günü təsdiqləyib ki, 19 dekabr gecəsi Ukrayna Müdafiə Qüvvələri Xəzər dənizindəki neft və qaz hasilatı platforması yaxınlığında patrul xidməti həyata keçirən Rusiyanın 22460 nömrəli "Oxotnik" hərbi gəmisini dronlarla uğurla vurub.
SİA xəbər verir ki, hərbçilərin məlumatına görə, gəmiyə bir neçə PUA zərbə endirib; zərərin dərəcəsi və gövdə sayı müəyyənləşdirilir.
Əməliyyat Ukrayna Silahlı Qüvvələrinin Xüsusi Əməliyyat Qüvvələri tərəfindən həyata keçirilib.
Xüsusi Əməliyyat Qüvvələri bildirib ki, "Oxotnik" sinifli gəmi dəniz sərhədini qorumağa, patrul etməyə və dəniz vəziyyətini izləməyə qadir olan müasir Rusiya ikinci dərəcəli patrul gəmisidir.
Bu cür gəmilər sahil sularında geniş çeşidli tapşırıqları yerinə yetirmək üçün silahlanıb və təchiz olunub.
Müdafiə Qüvvələri həmçinin Xəzər dənizindəki Filanovski neft və qaz yatağında "Lukoil" qazma platformasına zərbə endirib.
Obyekt neft və qaz hasil edir və Rusiya işğal ordusunu təchiz etməklə məşğuldur. Ukrayna Silahlı Qüvvələrinin Baş Qərargahı həmçinin Krımın müvəqqəti işğal olunmuş ərazisindəki Krasnoselskoye yaxınlığında RSP-6M2 radar sisteminin məhv edildiyini bildirib.
Bu sistem, zəif görünürlük şəraitində də daxil olmaqla, təyyarələrin hərəkətini tənzimləyir.
Əli Babayev
Bütün xəbərlər Facebook səhifəmizdə
USD
EUR
GBP
RUB