Şənbə günü, aprelin 26-da Omanın paytaxtı Maskatda ABŞ və İran arasında İranın nüvə proqramını dayandırmaq müqabilində sanksiyaların ləğvi ilə bağlı danışıqların üçüncü raundu keçirilib.
SİA-nın məlumatına görə, RİA Novosti bu barədə İranın İSNA dövlət xəbər agentliyinə istinadən xəbər verir.
Amerika nümayəndə heyətinə ABŞ prezidentinin Yaxın Şərq üzrə xüsusi nümayəndəsi Stiven Uitkoff başçılıq edib.
İran tərəfini isə xarici işlər naziri Abbas Əraqçi təmsil edib. Onlar əvvəlcə aprelin 12-də Omanda, ardınca isə aprelin 19-da Romada görüşdülər.
Arakçinin sözlərinə görə, danışıqların ikinci raundu konstruktiv şəraitdə keçib. Uitkoff tərəflər arasında fikir mübadiləsini də konstruktiv və müsbət qiymətləndirib.
ABŞ prezidenti Donald Tramp martın əvvəlində İranın ali dini lideri Əli Xamneyiyə yeni nüvə sazişi təklif edib. İmtina ediləcəyi təqdirdə məsələni hərbi yolla həll edəcəyi ilə hədələyib. İran rəhbərliyi təhdidlər fonunda birbaşa danışıqların mümkünlüyünü istisna edib, lakin üçüncü ölkələrin vasitəçiliyi ilə təmaslara razılıq verib.
Araqçi ikinci görüşdən əvvəl də izah edib ki, Vaşinqton İrana qarşı iqtisadi sanksiyaları davam etdirdiyi və ölkəyə təzyiqlərini davam etdirdiyi müddətcə Tehran birbaşa danışıqlar aparmaq niyyətində deyil.
Onun sözlərinə görə, ABŞ qeyri-real şərtlər irəli sürməyə başlamasa və niyyətlərinin ciddiliyini nümayiş etdirərsə, saziş bağlana bilər.
Əli Babayev
Bütün xəbərlər Facebook səhifəmizdə
.jpg)
USD
EUR
GBP
RUB