Birləşmiş Millətlər Təşkilatı (BMT) İsrailin Livandakı mövcudluğunun BMT qətnamələrinə zidd olduğunu açıqlayıb.
SİA-nın məlumatına görə, BMT Təhlükəsizlik Şurasında BMT-nin Livandakı Müvəqqəti Qüvvələri (UNIFIL) və BMT-nin Qolan təpələrindəki sülhməramlı missiyası ilə bağlı sessiya keçirilib.
BMT baş katibinin sülh əməliyyatları üzrə müavini Jan-Pyer Lakroks üzv dövlətlərə məlumat verərək bildirib ki, Livan və İsrail arasında "kövrək" atəşkəs olsa da, atəşkəs hələ də davam edir. O, BMT-nin Livandakı Müvəqqəti Qüvvələrinin bu məsələdə tərəflərə dəstəyini davam etdirdiyini vurğulayıb.
Jan-Pyer Lakroks qeyd edib ki, yanvarın 6-da keçirilən atəşkəslə bağlı iclasda İsrail ordusunun geri çəkilməsi və Livan Silahlı Qüvvələrinin bölgəyə yerləşdirilməsini nəzərdə tutulan mərhələli plan təqdim olunub. O, İsrailin 60 günlük müddət bitmədən Livandan çıxmasının vacibliyini vurğulayıb. Jan-Pyer Lakroks İsrail ordusunun hələ də Livan ərazisində fəaliyyət göstərməyə davam etdiyini açıqlayıb.
Lakroks bəzi tunellərin, binaların və əkinçilik sahələrinin İsrail tərəfindən dağıdıldığını, hava hücumlarının təşkil edildiyini və Livanın hava məkanının pozulduğunu bildirib.
Bütün xəbərlər Facebook səhifəmizdə
USD
EUR
GBP
RUB
