Yanvarın 18-də səhər saatlarında Rusiya ballistik raketlə Kiyevə hücum edib. Hücum yanğınlar və insan tələfatı ilə nəticələnib. SİA xəbər verir ki, yerli vaxtla saat 05:50-də hava hücumu siqnalı çalınıb və hava hücumundan müdafiə sistemi işə düşüb.
Kiyev şəhər meri Vitali Kliçko teleqram səhifəsində məlumat verib ki, raket hücumu nəticəsində paytaxtın Şevçenko rayonunda qeyri-yaşayış binasında yanğın baş verib. Hadisə yerinə bütün bölmələr göndərilib. Sonradan məlum olub ki, azı dörd nəfər həlak olub.
"Həmçinin Şevçenko rayonunda yaşayış binasının pəncərələri sınıb, “Lukyanovka” metrosunun giriş hissəsinə ziyan dəyib, metronun giriş-çıxış hissəsi bağlanıb”, - deyə Kliçko əlavə edib.
Mer yazıb ki, Şevçenko rayonunda su kəməri partlayıb. Hazırda təmir briqadaları hadisə yerinə gedir.
Bütün xəbərlər Facebook səhifəmizdə
USD
EUR
GBP
RUB