Birləşmiş Millətlər Təşkilatının Uşaq Fondunun (UNICEF) icraçı direktoru Ketrin Rassel bildirib ki, dünya Qəzzadakı uşaqların hər gün üzləşdiyi aclıq, xəstəlik və ağrı-acıya biganə qala bilməz.
SİA-nın məlumatına görə, Ketrin Rassel Qəzzada baş verənlərlə bağlı açıqlama verərək, dünən Qəzzanın mərkəzindəki Nusayrat düşərgəsinə edilən hücumda azı 8-i uşaq olmaqla 33 nəfərin həyatını itirdiyini və hava hücumlarında isə 50 nəfərin yaralandığını xatırladıb. O, qeyd edib ki, Qəzzada son bir ayda həyatını itirən uşaqların sayı 160-a çatıb.
Ketrin Rassel Qəzzadakı vəziyyətin yaranmasında uşaqların heç bir günahı olmadığını və onların bu cür vəziyyətin qarşısını almağa güclərinin olmadığını vurğulayıb. O, həmçinin Qəzzada son 14 ayda 14 500-dən çox uşağın öldüyünə diqqət çəkərək, 1,1 milyon uşağın təcili qorunma və psixi sağlamlıq dəstəyinə ehtiyacı olduğunu bildirib.
Birləşmiş Millətlər Təşkilatının Uşaq Fondunun icraçı direktoru Ketrin Rassel Qəzzanın şimalında qıtlıq təhlükəsinin davam etdiyini də qeyd edib.
Bütün xəbərlər Facebook səhifəmizdə
USD
EUR
GBP
RUB