Separatçı terror təşkilatı PKK/YPG Suriyanın şərqindəki Deyr əz-Zor vilayətində işğal etdikləri qəsəbələrdə təşkilat əleyhinə nümayişlər keçirən ərəb xalqınına atəş açıb. SİA bu barədə Tükiyə saytlarına istinad edir.
Yerli mənbələrin yaydığı məlumata görə, onlarla insan PKK/YPG terrorçularının işğalı altında olan Deyr əz-Zor vilayətinin şərqindəki Sabha və Ebrehiyye qəsəbələrində təşkilat əleyhinə nümayişlər keçirib.
Qondarma məntəqələr quraraq xalqa təzyiq göstərməyə çalışan təşkilat nümayişçiləri dağıtmaq üçün mülki şəxslərə atəş açıb. Hücum zamanı ölən və ya yaralanan olmayıb.
Terrorçular Sabha və Ebrehiyye qəsəbələrində 3 günlük komendant saatı elan ediblər.
Qeyd edək ki, bir həftədir Zeyr əz-Zor vilayətində terror təşkilatı PKK/YPG əleyhinə etiraz aksiyaları keçirilir.
Deyr əz-Zor vilayətinin Fərat çayının şərqindəki hissəsi 2017-ci ildən terror təşkilatı PKK/YPG-nin işğalı altındadır.
Bütün xəbərlər Facebook səhifəmizdə
USD
EUR
GBP
RUB