Niderlandın "PAL-V Europe NV" şirkətinin mütəxəssisləri dünyada ilk dəfə olaraq "Qelisikl" adlanan uçan avtomobili uğurla sınaqdan çıxarıblar.
İki yerlik "Qelisikl" klassik vertolyotla 3 təkərli avtomobili özündə birləşdirən hibriddir. Nəqliyyat vasitəsinin üstün cəhətlərindən biri də odur ki, o çox asanlıqla mövcud uçuş - enmə zolaqlarından və yollarından istifadə edə bilir. Yəni avtomobil üçün ayrıca yol çəkməyə ehtiyac qalmır və rahat idarə olunur.
Vertolyot - maşının texniki göstəriciləri də yüksəkdir. O, 8 saniyədə 100 kilometr sürət yığa bilməklə, bir dəfəyə 350-500 kilometrədək məsafə qət etmək iqtidarındadır. Avtomobil benzinlə yanaşı, biodizel və bioetanol işlədir.
Hazırda dünyada analoqu olmayan "Qelisikl"in satış qiyməti 295 min ABŞ dollarıdır.
Bütün xəbərlər Facebook səhifəmizdə
USD
EUR
GBP
RUB