Cüneyt Çakır Çempionlar Liqasında qrup mərhələsinin 4-cü tur oyununa təyinat alıb

Türkiyəli referi Cüneyt Çakır Çempionlar Liqasında qrup mərhələsinin 4-cü tur oyununa təyinat alıb.

SİA UEFA-nın saytına istinadən xəbər verir ki, o, B qrupunun "Borussiya" (Mönhenqladbax) - "Şaxtyor" (Donetsk) görüşünün baş hakimi olacaq. C.Çakıra həmyerliləri Bahattin Duran və Tarık Ongün köməklik edəcək. Dördüncü hakim funksiyasını Halil Umut Meler yerinə yetirəcək.

Qeyd edək ki, bu, Çakırın ÇL-də idarə edəcəyi 50-ci matç olacaq.

Əlavə edək ki, sabah keçiriləcək qarşılaşma Bakı vaxtı ilə 23:55-da başlayacaq.

Bütün xəbərlər Facebook səhifəmizdə

loading...