Türkiyə Super Liqasında əcnəbi limiti ilə bağlı qərar verilib.
SİA xəbər verir ki, qarşıdakı iki mövsümdə klublar müvafiq olaraq 14 və 12 əcnəbi oyunçuya yer verə biləcəklər.
2020/21 mövsümündə matçın iştirak ərizəsində yer alacaq 14 əcnəbidən 8-i start heyətində meydana çıxa biləcək ki, 6 nəfər də ehtiyatda oturacaq. 2021/22 mövsümündə isə klublar ilk "onbirlik"də 7 əcnəbi meydana buraxacaqlar və 5-i də ehtiyatda vaxtını gözləyəcək.
Bundan başqa, növbəti mövsüm 1996-cı il təvəllüdlü və ya daha gənc bir oyunçu meydanda olmalı, 1998-ci il təvəllüdlü futbolçu isə 21 nəfərlik siyahıda yer almalıdır.
Həmçinin 2020/21 mövsümünün sentyabrın 11-də start götürməsi qərara alınıb. Plana əsasən, mövsüm gələn il mayın 16-da başa çatmalıdır.
Bütün xəbərlər Facebook səhifəmizdə
USD
EUR
GBP
RUB