Prezident İlham Əliyev Yozef Blatteri növbəti dəfə Beynəlxalq Futbol Assosiasiyaları Federasiyasının (FİFA) rəhbəri seçilməsi münasibətilə təbrik edib. Təbrikdə belə deyilir:
Hörmətli cənab Blatter,
Beynəlxalq Futbol Assosiasiyaları Federasiyasının prezidenti vəzifəsinə yenidən seçilməyiniz münasibətilə Sizi səmimi qəlbdən təbrik edirəm.
Bu məsul vəzifəyə seçilməyiniz dünya futbolunun inkişafı, milyonların sevimli idman növünün təbliği və yayılması sahəsində xidmətlərinizə verilən yüksək qiymətdir. Əminəm ki, Azərbaycan ilə rəhbərlik etdiyiniz dünya futbol təşkilatı arasındakı əlaqələr, səmərəli əməkdaşlığımız bundan sonra da müvəffəqiyyətlə davam edəcəkdir.
Sizə möhkəm cansağlığı, xoşbəxtlik, yeni-yeni uğurlar diləyirəm.
Hörmətlə,
İlham Əliyev
Azərbaycan Respublikasının Prezidenti
Bütün xəbərlər Facebook səhifəmizdə
USD
EUR
GBP
RUB